Տաք յուղոտ ռոմ. ամերիկյան մոդեռն պաշտամունք
2017-08-29

Քաղցր, թունդ ու թեժացնող: Տաք ռոմն արևմտյան մշակույթում ձմեռային տոների ավանդական խմիչքն է: Եկեք մենք էլ հասկանանք՝ ինչով է այն վաստակել այդ իրավունքը:

Տաք յուղոտ ռոմի պատմությունը:

Այս ըմպելիքի պատմությունը շատ վաղ է սկիզբ առնում: Արդեն 13-րդ դարում սկսեցին յուղ ավելացնել էյլի մեջ՝ նրա բուժական հատկություններն ուժեղացնելու համար: Հետո եվրոպացիները սովորեցին թորել ու յուղը սկսեցին ավելի թունդ խմիչքներին ավելացնել:

Այն բանից հետո, երբ սկսեցին Յամայկայից պատոկա արտահանել գաղութային Ամերիկա, օղեգործարաններ սկսեցին բացվել Նոր Անգլիայում.գաղութարարները սկսեցին ռոմ ավելացնել տաք ըմպելիքներին: Այսպես ի հայտ եկավ տաք յուղոտ ռոմը:

Տաք յուղոտ ռոմ՝ ծույլերի համար

Սրա համար հարմար է ցանկացած մուգ ռոմ՝ ինչպես թունդ` BACARDI OAKHEART, CAPTAIN MORGAN’S SPICED, այնպես էլ՝ ոչ այնքան՝ MOUNT GAY, BACARDI CARTA NEGRA: Թունդ ռոմի դեպքում համեմունքներ կարելի է ընդհանրապես չավելացնել: Տաք ջրի փոխարեն հաճախ տաք սիդր կամ թեյ են ավելացնում.

  • 50 մլ ոսկե կամ թունդ ռոմ
  • 25 գր. կարագ
  • 1,5 թ/գ դարչնագույն շաքար
  • 3 հատիկ մեխակ՝ ըստ ցանկության
  • դարչնի փայտիկ
  • մշկընկույզ
  • տաք ջուր

Ջուր լցված փոքր կաթսայում կարագը շաքարի ու մեխակի հետ հալեցնում ենք: Վերցնում ենք կրակից, ավելացնում ռոմի խառնուդն ու լավ խառնում: Քամիչի միջոցով լցնում ենք ջերմակայուն բաժակի մեջ և ավելացնում տաք ջուրն՝ ըստ ճաշակի: Զարդարում ենք դարչնի չոփիկներով և քերած մշկընկույզով: Հաճույքը չենք հետաձգում ու անմիջապես ըմպում ենք:

Տաք յուղոտ ռոմ՝ ոչ քմահաճների համար

Ամերիկայում Ծննդյան տոներին, նախապես են պատրաստվում՝ այնպես, ինչպես ավանդական ոգելից ըմպելիքներին: Տաք սերուցքային ռոմի համար ընդունված է նախապես յուղային բաղադրություն պատրաստել, որն ընդունված է «խմոր» անվանել: Ահա այդպիսի «խմորով» պատրաստվող բաղադրատոմս՝

  • 45 մլ ոսկե կամ թունդ ռոմ
  • 1 ճ/գ «խմոր»՝ տաք յուղոտ ռոմի համար
  • տաք ջուր

Ռոմն ավելացնում ենք ջերմակայուն բաժակի մեջ: Ավելացնում ենք «խմորը», վրան լցնում եռացրած ջուրն ըստ ճաշակի և լավ խառնում: Խմում ենք անհապաղ:

Խմորի համար՝

  • 450 գր կարագ
  • 450 գր դարչնագույն շաքար
  • 450 գր սպիտակ շաքար
  • 1 ճ/գ աղացած դարչին
  • 1 թ/գ հատիկավոր մեխակ
  • 1 թ/գ քերած մշկընկույզ
  • 1 գդալ փափկած վանիլային պաղպաղակ:

 

Պաղպաղակից բացի՝ մնացած բաղադրատարրերը լցնում ենք խոր թասի մեջ ու լավ հարում՝ ստանալով համասեռ զանգված: Ավելացնում ենք պաղպաղակն ու կրկին խառնում: Լցնում ենք համապատասխան ծավալով տարայի մեջ  պինդ փակում ու պահում սառցախցիկում: